Julekonsertar i Aurdal kirke

Vi øver på nytt og gamalt julerepertoar, og stundar mot julekonsertar i Aurdal kirke. Slik det er no, kan vi ha inntil 50 publikummarar per konsert. Vi kryssar fingrane for at vi kan synge for dykk denne jula òg. Du kan bestille billettar her. Denne gongen kan vi berre sleppe inn dei som har bestillt på førehand. Billettprisar er 300 for vaksne og 100 for ungdom (13-23 år). Barn går gratis, men vi vil gjerne at dei blir registrerte i bestillinga – av omsyn til smittevern. Betaling med kort eller Vipps i døra.

Hald dykk friske der ute❤️

Kurve på tur opp

Konsertformen er stigande, og i oktober er Kurve på veg oppover dalen!

Foto: Frederick Kihle

Vi startar med haustkonsert i Begnadalen kirke 12. oktober klokka 20, og held fram med seminar og gourmet-helg på Nythun helga etter. Her er det snart fullt, men mogleg å bestille matogmusikk-billettar direkte på http://www.nythun.com. Måndag 26. oktober blir det konsert på Åsvang samfunnshus i Vang, den øvste i denne omgang.

Kurve stiller med topp motitvert mannskap og fleire nye gromlåtar på repertoaret. Vi gler oss stort til å synge for eit levande publikum att, og lovar ein frisk og smittesikker Kurve-kveld.

VIKTIG: Det vil berre bli mogleg å bestille billettar på førehand – klikk her.

Kjære Kurve-vener!

Det vart ein rar vår. Vi har sakna dykk!

I mars hadde vi øving på kvar vår heimebane via Zoom. Då det vart lov, brukte Gudbrand masse tid på å smittesikre gymsalen i Slidre, slik at vi kunne synge saman på laang avstand. Etter kvart kunne vi nærme oss kvarandre litt meir, og laurdag avslutta vi sesongen med ein lykkeleg sommarfest. Avstanden har fått oss til å kjenne på kor godt der er å synge saman og vera saman, slik på ekte! Vi er lei oss for at det ikkje vart mogleg med konsert for publikum før sommaren, men lovar å kome sterkt attende til hausten. Helga 16.- 18. oktober er vi på Nythun. Vi har hyra den kjente musikkpedagogen og tidlegare Real Group-profilen Peder Karlsson til å arbeide med oss. Laurdagen blir det konsert. Det blir også to måndagskonsertar på ulike stader i same oktober-slengen. Vi håpar å sjå dykk då! Det kjem meir info etter kvart.

Ha ein nydeleg sommar så lenge!

IMG_2074

Julekonsertar 15. og 21. desember

Jul2019-headerVi ser fram til å runde av året med fire julekonsertar. Som i fjor, blir alle konsertane i Slidrehuset på Valdres Folkemuseum. Det blir to konsertar søndag 15.12 (klokka 17 og klokka 20) og to konsertar laurdag 21.12. (også klokka 17 og klokka 20). Med dei gamle husa som kulisse, lovar vi å synge for at du skal kjenne glede og fred i førjulstida.

Varmt velkomne på julekonsert med Kurve!

Bestill billettar her.

Tusen takk!

Vi er lykkelege og takksame etter ei fantastisk oppleving i Fagernes kulturhus i går! Tusen takk til alle som kom, og for all god energi de var med å skape! Vi vil også gratulere Esther Christensen frå Fagernes som vann sin eigen Kurve-konsert!Showkonsert med ramme

Kurve loddar ut ein konsert i samband med Showkonserten på Fagernes kulturhus 21. september

Vinn ein Kurve-konsertHer er vilkåra for konkurransen:

Den som vinn bestemmer kvar konserten skal vere. Kanskje heime, i eit forsamlingslokale eller på arbeidsplassen. Berre fantsien set grenser, men lokalet må vere oppvarma og eventuell husleige er det vinnaren som må betale.

Konserten varar i ca. 45 minutt.

Den som vinn kan vere einaste publikumar, ein kan invitere vener, eller ein kan selje billettar til inntekt for ei god velgjerdssak. Ein kan ikkje selje billettar til eigen fortenest.

Lokalet må romme 16 songarar i tillegg til den/ dei som skal høyre på. I større lokale bør det også vera plass til noko elektronisk utstyr.

Konserten må vera i Valdres eller tett ved. Reiseavstand kan i utgangspunktet ikkje vera meir enn 70 km frå Fagernes. Større avstand kan likevel vera mogleg om det er eit konsept som også er effektivt som merkevarebygging. Dette må i så fall avtalast med koret.

Konserten blir 18. januar 2020 eller eit anna tidspunkt som passar for koret. Eit eventuelt anna tidspunkt må avtalast innan 15. oktober 2019. Konserten bør i utgangspunktet vera gjennomført innan utgangen av mars 2020, men kan også skje seinare etter avtale med koret.

Lodd får ein ved å anten

  • Kjøpe billett innan 15. september.
  • Vippse kr. 50,- til Kurve (#97098) innan fredag 20 september.
  • Kjøpe lodd av ein i koret innan laurdag 21. september. Det vert seld lodd under konserten.

Trekning skjer på scenen på slutten av 20-konserten 21. september, og vinnaren vert kunngjort med namn, loddnummer eller rad/setenummer+konserttidspunkt på Facebooksida vår og på www.kurve.no etter siste jubileumskonserten. For at koret skal halde av dato for konserten, må vinnaren melde interesse innan 15. oktober 2019. Om vinnarloddet er frå lodd seld i loddbok, blir vinnaren kontakta.

Trekninga går føre seg slik:
Alle lodd, vipps-overføringar og billettar som er med i trekninga blir registrert i ei nummerert liste. Så blir det trekt eit nummer i denne lista.

 

Lag ei gratis nettside eller ein blogg på WordPress.com.

Opp ↑